• Increase font size
  • Default font size
  • Decrease font size

Antzuola

Agenda
Berriak

Bi liburu opari

E-mail Inprimatu PDF

Apirilaren 23an liburuaren eguna dela eta, agortuta dauden bi liburu lortzeko aukera eskaini nahi dizugu. Esan beharra dago guri ere oparitzat Iñigo Ramirez de Okarizek bidali dizkigula eskaneatuta:

Antzuolako errota eta baserriak. Iñigo Ramirez de Okariz. 1995. 
Euskal Herri mailan erreferente izan den liburua; ondoren eredu moduan erabili dena antzeko argitalpenak egiteko.

- Antzuolako larru ontzea. Antxon Aguirre Sorondo. 2000.
Gure herriaren industria eta kultur ondarearen nondik norakoak jasotzen diren liburua.

Newsletter honen bidez bidaltzea ezinezkoa zaigunez, idatziguzu Esta dirección electrónica esta protegida contra spam bots. Necesita activar JavaScript para visualizarla helbidera  eta bidaliko di(zki)zugu.

 

Jaietako zapiaren lehiaketa

E-mail Inprimatu PDF

JAIETAKO ZAPIAREN LEHIAKETA

Antzuolako jaietan zapia jazteko ohitura dugu.
Oinarri hauen helburua da 2019ko zapia aukeratzeko lehiaketa deitzea.

1-    GAIA: Antzuolako jaiak.

2-    LANAK: parte-hartzaile bakoitzak, gehienez, hiru lan aurkeztuko ditu.

3-    PARTAIDETZA: nahi duen orok parte har dezake.

4- ZAPIAREN EZAUGARRIAK
Antzuolako jaien ezaugarriak islatu beharko ditu.
Idatzita izango duen testua: Antzuolako jaixak 2019
Aurkeztuko den irudiak, gehienez,  triangelu formako gainazal hau hartuko du: 70 X 70 X 100
Koloreak: diseinuak edo irudiak bi kolore izango ditu. Koloretzat hartzen da zuria.
Lanak originalak eta argitaratu gabeak izango dira.

5- LANAK AURKEZTEKO MODUAK

Lanak udaletxeko idazkaritzan aurkeztuko dira, DINA4  neurriko bi gutun-azaletan. Batean lana joango da, bestean parte-hartzailearen datuak jarriko dira: izen-abizenak, helbide elektronikoa eta telefono zenbakia. Gutun-azal biek izenburu berdina jarriko zaie.
Lan bakoitzeko sobre bat aurkeztuko da.

6- AURKEZTEKO EPEA
Lanak aurkezteko epea maiatzaren 17an, egubakoitzean, bukatuko da.

7- EPAIMAHAIA
Jai batzordeak osatuko du epaimahaia.
Epaimahaiak jaietarako egokiena den lan onena aukeratuko.
Epaimahaiak hala erabakiz gero, lehiaketa hutsik geratu ahal izango da.

8- SARIA: 200 €.
Sari banaketa Antzuolako jaietan egingo da.

9- LANEN ESKUBIDEAK
Saritzen den lana Udalaren esku gelditzen da. Eraldatzeko eta kaleratzeko eskubidea izango du. Udalak jendaurreko komunikaziorako, kopiatzeko eta banatzeko eskubideak ere eskuratuko ditu; eskubide horiek Udalarenak baino ez dira izango.

10- OHARRA
Lehiaketa honetan parte hartzeak oinarri hauek eta epaimahaikoen erabakia onartuko direla esan nahi du.

 

 

 

Balorazio saioa Alarde berrituaz

E-mail Inprimatu PDF

ALARDE BERRITUAREN HAUSNARKETA-BALORAZIO SAIOA

- Martxoak 23, zapatua
- 9:30-12:30
- Olaranen

Egokitzen joan den Alardea
Alardea 1880tik ospatzen da Antzuolan. 
Ez da adierazpen kultural estatikoa izan, unean uneko garai eta gizarteko egoera berrietara egokitzen jakin izan du eta sorreratik aldaketak izan ditu; sakonenak, 1980an eta 2009an egindakoak. Bertan, arreta berezia jarri zaio genero tratamenduari, kulturartekoaren adierazpenari, ekintza eta pertsonaien duintasunari eta herritartasunaren senari.

Adostasuna eta transmisioa
Antzuolak ahalegin horrekin Mairuaren Alardea gaurkotzea baino askoz gehiago lortu du: bere herri dinamismoaz eta elkarlanaz baliatuz, helburu garrantzitsu batean ados jartzen badakigula erakutsi  dugu, partekatzen ditugun balioekin gure herri-izaera sendotzeko gai garela, gure ondarea gorde eta indarberrituta transmititzeko gauza garela.
Gainera euskal erakunde desberdinetan txalotu diren aldaketak izan dira eta eremu akademikoan ere “praktika on” bezala ere goraipatu dira.

Herritarron alardea
Herritarron identitatearen ikur garrantzitsu izaten jarraitzeko bere antolaketa eta garapena ezin da herritar batzuen edo udal ordezkarien esku soilik laga, antzuolar guztion konpromisoa eskatzen duelako; guztiona delako.

Hausnarketa-balorazio saioa
Duela 10 urte berritua izan zela-eta, une egokia da www.creationcompany.tv hamarkada honetan egindakoaren hausnarketa-balorazio saioa egiteko, helburu bakar batekin: alardearen ospakizuna gehiago indartzea.

Besteak beste, landuko diren gaiak:
- Alardearen antolaketa eta funtzionamendua.
- Parte hartzaileak.
- Harremanak.
- Komunikazioa.
- Koreografia.
- Alardeaz dauden iritziak:
- Genero aldetik
- Kulturartekotasun aldetik
- Ikuskizun aldetik
- Zer sortzen dizu: atxikimendua, indiferentzia...
- Hobetzeko proposamenak.

Gonbidatuak:
- Adin guztietako jendea.
- Emakumezko-gizonezkoak.
- Alardean parte hartzen dutenak.
- Alardeko parte hartzaile ez direnak.

ZATOZ!

ANTZUOLAKO UDALA ETA ALARDEAREN KULTUR ELKARTEA

 

Agenda. Herriko ekintzak.

E-mail Inprimatu PDF

Martxoak 27, eguaztena

Hitzaldia: Frankismoaren aztarnak arakatzen: erbestea, Josu Chuecarekin, Intxorta 1937 kultur elkarteak antolatuta.

1936ko gerra eta errepresioari buruzko erakusketa zabalduko da: Etorkizuna alanbre hesi artean - Antzuolan ezkutatutako historia argitzeko ekimena.
Intxorta 1937 kultur elkartea: “1939ko otsailean Katalunian zeuden milaka euskal errefuxiatuk faxistengandik ihes egin behar izan zuten Frantziara; ihesaldi hori La Retirada deitzen dugu.
Antzuolan ekimen hau bideratzearen helburua da herrian talde irekia sortzea denon artean 1936ko gerra eta ondorioak batzeko.”

Martxoak 28, eguena
18:30
Ikusentzunezkoa Silvia Triguerosekin. Gaia: mendi lasterketa baten kronika.
Arrolak antolatuta.
Olaranen.

Martxoak 30, zapatua
16:00
Uzarragako Txirrindulari Igoera. Junior mailako lasterketa.
Peña Aiastuik antolatuta.

18:30-20:30
Erakusketa: Etorkizuna alanbre hesi artean - Antzuola ezkutatutako historia argitzeko ekimena.
Olaranen.

Martxoak 31, domeka
10:00
Txistularien diana herrian zehar.

18:30-20:30
Erakusketa: Etorkizuna alanbre hesi artean - Antzuola ezkutatutako historia argitzeko ekimena.

Apirilak 4, eguena

18:30
Jaiak antolatzeko bilera.

Bilera irekia da, gonbidatuta daude nahi duten herritar guztiak.

Udaletxean. 

Apirilak 6, zapatua
16:30
Landatxoperen urteko Batzar Nagusia, Olaranen.

Apirilak 6, zapatua, eta 7, domeka
18:30-20:30

Erakusketa: Etorkizuna alanbre hesi artean - Antzuolan ezkutatutako historia argitzeko ekimena.

Apirilak 7, domeka
Korrika. Aiherratik pasatuko da.

10:00
Txistularien diana herrian zehar.

18:30
Zinea euskara: Aintza (Glory)

Goiz batean, Tsanko Petrovek, trenbideetako langileak, diruz betetako poltsa bat aurkituko du trenbidean. Poliziari abisatzea erabakiko du. Garraio Ministerioko agintariek, korrupzio kasu batengatik egun horietan egunkarietako lehen orrialdean ageri direnek, Petrow saritzea erabakiko dute bere jokabideagatik, era horretan berri on bat egiteko asmoz. Eskumuturreko erloju bat oparituko diote ekitaldian, eta daramana kenduko diote: aitak oparitako Glory bat. Bere erlojua berreskuratzen saiatu bitartean, galdu egin dutela jakingo du. Hemen hasten da bere erloju zaharra eta bere duintasuna berreskuratzeko hasiko duen borroka.

Bulgaria/Grezia- 2016

Jatorrizko hitzkuntza: bulgariera; azpitituluak, euskaraz.

Gaia: korrupzioaren aurkako borroka, erronka bulgariarentzat.
12 urtetik gorakoentzat.

Olaranen

Apirilak 14, domeka

-        Txistularien diana herrian zehar. 10:00etan.

-        AHOTIK BIHOTZERA Antzuolako 6. ipuin maratoia.

  • 13:00-14:30

Ipuin kalejira, herrian zehar ipuin kontalariekin eta trikitilariekin.
Baita Iñaki Mataren Welcome! saioa ere.

Welcome! poesia ikusgarria eskaintzen digun obra ibiltaria da. Edozein barne migrazio prozesuri ongietorria emateko modua.
Beharrak eragindako hegaldi transhumatea, enpatiaz, konexioz eta gogoetaz jantzia. Bizitza zeharkatzeko motxila nomada bat, “litekeenera” bidaiatzera gonbidatzen gaituena.
Giza itxura duen panpina errrealista, panpina itxura duen gizarte batean.

  • 18:30

Ipuin saioak Olaranen.

Ahozko tradizioaren festan parte hartzera gonbidatzen zaituztegu, entzutera etorriaz, besterik ez bada ere.
Eta... kontatzera animatuko bazina? Animatu! Virginia Imaz prest dago laguntzeko, guri esatea besterik ez duzu.

Zer kontatu? Nahi dena, baldintza bakarra da ezin dela irakurri: ipuinak, istorioak, garai bateko bizimoduaren pasarteak, bertsoak, kantuak… nahi dena.

Zenbateko iraupena? 10 bat minutu gehienez.
Zein hizkuntzatan? Norberak nahi duen hizkuntzan.

Izena emateko jarri harremanetan udaleko kulturarekin telefonoz  943766246 edo Esta dirección electrónica esta protegida contra spam bots. Necesita activar JavaScript para visualizarla helbidera idatziz.

Apirilak 21, domeka
10:00
Txistularien diana herrian zehar.

Apirilak 28, domeka
10:00
Txistularien diana herrian zehar.

Apirilak 24, martitzena
Nigan, Barnetasunaren Heziketa Gurasoendako eta helduendako.
Helburua: gure  barnetasuna ezagutzea eta hobeto sentitzeko baliabideak eskuratzea.
18:30-20:00, Olaranen.

 

Haurreskolako matrikulazioa zabalik

E-mail Inprimatu PDF

HAURRESKOLAKO MATRIKULAZIOA
Haurreskolako matrikulazio epea zabalik dago urte osoan.

Kuotak:

  • Doan:
  1. 18.000 € irabaziak baino gutxiago dituzten familiek.
  2. Erditze anitzeko kasuetan edo haurreskolan anai-arrebaren bat edo gehiagorekin kointzidituz gero, bigarren eta hurrengo anai-arrebek kuota, doan.
  • 5 ordu arteko kuota: 91 €, 140 € eta 160 €.
  • 8 ordu arteko kuota: 118 €, 180 € eta 208 €.

Zalantzarik izanez gero, joan haurreskolara edo deitu telefono honetara: 943 78 60 15

 


1 orria 9-tik

Izen emateak

Buletina jasotzeko

captcha
Antzuolako doinua
Banner
Banner
Banner
Banner